Laus störf

 


 

ÍSOR er sjálfstæð ríkisstofnun sem heyrir undir umhverfis- og auðlindaráðuneytið, en starfar á viðskiptalegum grundvelli á samkeppnismarkaði.
ÍSOR er eitt stærsta og öflugasta fyrirtæki heims í rannsóknum og jarðvísindaþjónustu við jarðhitaiðnaðinn og nýtur alþjóðlegrar viðurkenningar sem slíkt. Jafnframt hefur ÍSOR verið leiðandi á Íslandi í rannsóknum á jarðfræðilegri byggingu hafsbotnsins kringum landið.
ÍSOR og forverar þess hafa í 70 ár verið meðal leiðandi aðila í þróun þeirrar tækni sem gert hefur Ísland að einu fremsta ríki heims í nýtingu jarðhita og útvegað Íslendingum orku á mun lægra verði en hægt hefði verið með öðrum orkugjöfum.
ÍSOR stundar margvíslegar þverfaglegar rannsóknir og veitir þjónustu og ráðgjöf á sviði jarðhita og jarðvísinda og annast kennslu í jarðhitafræðum.

Aðalstöðvar ÍSOR eru í Reykjavík og útibú er á Akureyri.

Hjá ÍSOR starfar öflugur hópur fólks, um 77 starfsmenn, sem á hálfri öld hefur tekið þátt í að byggja upp einstæða þekkingu á jarðhita, eðli hans og aðferðum til að nýta hann. Ef þú hefur áhuga á að slást í hópinn þá er velkomið að senda inn umsókn ásamt ferilskrá á netfang Valgerðar Gunnarsdóttur launafulltrúa ÍSOR, valgerdur.gunnarsdottir@isor.is