Samband náðist við Bjarna Richter, markaðsstjóra ÍSOR, sem staddur er í Santiago, höfuðborg Chile, um hádegisbil í dag. Jarðskjálfti er mældist 8,8 stig á Richter reið yfir um 300 km suður af borginni. Bjarni hefur dvalið í Santiago ásamt fjölskyldu sinni síðastliðnar 5 vikur og og sluppu þau alveg ómeidd.

Fimm daga námskeiði í jarðhitaforðafræði og vinnslueftirliti, sem ÍSOR hefur haldið fyrir frönsku jarðhitastofnunina CFG Services, er að ljúka. Fjórir starfsmenn frá CFG hafa verð hér síðan á þriðjudag og námskeiðinu lýkur á laugardag með heimsókn í Hellisheiðarvirkjun.

Haukur Jóhannesson, jarðfræðingur hjá ÍSOR, mun halda fyrirlestur í Orkugarði 24. febrúar kl. 13:00, sem ber heitið: Dreifing jarðhitans og tengsl hans við berggrunninn í ljósi nýrrar túlkunar á jarðfræði Íslands.

ÍSOR var þátttakandi í evrópskum degi doktorsnema um jarðhitarannsóknir (European Geothermal PhD day) sem haldinn er í dag, 12. febrúar 2010, í Potsdam í Þýskalandi.

Sendinefnd á vegum norræna þróunarsjóðsins (NDF) var hér í heimsókn á dögunum til að kynna sér jarðhitastarfsemi Íslendinga með væntanlegt samstarf í jarðhitamálum í huga.