[x]
25. apríl 2007

ÍSOR ráðgjafi í verkefnum IAE

Orkufyrirtækið Iceland America Energy hefur samið um smíði og rekstur á 50 MW gufuaflsvirkjun í Kaliforníu. Samningar um að leggja hitaveitu á tveimur stórum skíðasvæðum í sama ríki eru á lokastigi. Auk þess eru fleiri verkefni í pípunum. Byrjað verður á fyrstu borholunni vegna virkjunarinnar í sumar. Stefnt er að því að bæði virkjunin og hitaveitan verði komnar í gagnið fyrir árslok 2010. Iceland America Energy er að mestum hluta í eigu íslenska fyrirtækisins Enex.Þetta kemur fram í frétt Morgunblaðsins í dag. Sérfræðingar ÍSOR hafa yfirfarið ýmis gögn varðandi gufuaflsvirkjunina og eru IAE til ráðgjafar í málinu.