Fréttasafn ÍSOR

Íslenskar orkurannsóknir, ÍSOR, taka þátt í umfangsmiklu evrópsku rannsóknarverkefni, styrkupphæð til Íslands 1,7 milljónir evra. Rannsóknarverkefnið nefnist IMAGE (Integrated Methods for Advanced Geothermal Exploration) og er til næstu fjögurra ára.

Vinnsluboranir eftir jarðhita eru að hefjast á ný á eldfjallaeyjunni Dóminíku í Karíbahafi. Til stendur að bora tvær 1200-1800 m djúpar holur í þessum áfanga jarðhitaverkefnisins.

ÍSOR leitar að metnaðargjörnum einstaklingum til að bætast í hóp þeirra sem leiða rannsóknir og þróun á sviði jarðvarma, grunnvatns og kolvetna í jörðu.

Lokið er borun á nýrri og velheppnaðri vinnsluholu fyrir Selfossveitur í Ósabotnum, sem eru á bökkum Ölfusár skammt ofan bæjarins.

Borun holu RR-22 á Reykjum við Reykjabraut lauk 15. október sl. Holan fór í 1000 m dýpi.

Jarðhitanámskeiði fyrir þá sem koma að ákvörðunartöku í jarðhitamálum í Rúanda, Búrundí og Kongó í Afríku.

Mikill áhugi er hjá alþjóðasamfélaginu að aðstoða Austur-Afríku við uppbyggingu á orkuvinnslu með jarðhita.

Jarðskjálftamælingar verða meginþema ÍSOR á Vísindavöku Rannís sem fram fer í Háskólabíói föstudaginn 27. september kl. 17-22.

Í tilefni af degi íslenskrar náttúru býður ÍSOR til jarðfræðigöngu um Búrfellsgjá og Búrfell 16. september 2013.

Viltu kynnast undrum jarðfræðinnar? Komdu í heimsókn hjá vísindasetrinu á Akureyrarvöku 31. ágúst nk.

Sigvaldi Thordarson, jarðeðlisfræðingur hjá ÍSOR, tekur þátt í 5 vikna leiðangri rannsóknarskipsins R/V Marcus G. Langeseth sem hófst 13. ágúst 2013.

ÍSOR hefur gefið út tvö jarðfræðikort í mælikvarðanum 1:100 000 og eru kortin fáanleg víða um land.

Nokkrir sérfræðingar ÍSOR eru leiðbeinendur á fimm daga jarðhitanámskeiði í Rúanda þessa vikuna. Um er að ræða þjálfun fyrir sérfræðinga frá Orku- og vatnsveitu (EWSA) Rúanda varðandi rannsóknir og framkvæmd jarðhitaborana

Á sameignlegum fundi umhverfis- og atvinnuveganefndar Alþingis 12. júní 2013 með fulltrúum frá Orkustofnun, ÍSOR og Náttúrufræðistofnun auk Stefáns Arnórssonar, prófessors emeritus, var fjallað um málefni Hellisheiðarvirkjunar og fleira sem tengist jarðhitavinnslu.

Vegna umræðna í fjölmiðlum um jarðhitavirkjanir og misskilnings sem oft gætir í umfjöllun um jarðhitaauðlindina vill ÍSOR koma á framfæri eftirfarandi upplýsingum:

Út er komið á vegum Veðurstofu Íslands Jöklakort af Íslandi. Kortið sýnir útlínur allra jökla landsins og breytingar þeirra undanfarna öld. Jöklakortið er samvinnuverkefni Veðurstofunnar og ÍSOR.

Ársskýrsla ÍSOR 2012 er aðgengileg hér á vefnunum undir tenglinum um útgefið efni.

Afmælisráðstefna ÍSOR var haldin fimmtudaginn 23. maí 2013 á Grand Hótel.

ÍSOR skrifaði nýlega undir samning um mælingar á vinnsluholum á eyjunni Guadeloupe í Karíbahafi.

Íslenskar orkurannsóknir (ÍSOR) hafa náð samkomulagi við þýska borfyrirtækið Daldrup & Söhne AG (www.daldrup.eu) um að sinna mælingum í tveimur borholum sem þeir eru nú að bora í lághita við Heemskerk í Hollandi.

Tekið er á móti umsóknum um sumarstörf hjá ÍSOR til 2. apríl 2013. Áhugasamir eru beðnir um að senda umsóknir til starfsmannastjóra.

Fjöldi innlendra sem erlendra sérfræðinga og stjórnenda heimsótti í vikunni alþjóðlega jarðhitaráðstefnu (Iceland Geothermal Conference 2013) hér á landi.

ÍSOR og Orkusetur boða til hálfs dags fundar um jarðgrunnsvarmadælur og evrópska samstarfsverkefnið ThermoMap, þriðjudaginn 5. mars kl. 13.00 – 16.00 í fundarsal ÍSOR, Víðgelmi, Grensásvegi 9.

Borun á fyrstu djúpu rannsóknarholunni í jarðhitasvæðið við Hoffell í Hornafirði er nú lokið með góðum árangri. Til að staðsetja holuna var notast við holusjármælingar auk hinna hefðbundnu hitastigulsmælinga.

Í sumar kom út hjá Elsevier forlaginu í Oxford átta binda fræðsluverk um endurnýjanlega orku. Verkið hlaut á dögunum hin viðurkenndu PROSE verðlaun sem veitt eru fyrir stór alfræðirit.

Íslenskar orkurannsóknir og Landsvirkjun hafa gefið út nýtt jarðfræðikort, í mælikvarðanum 1:100 000. Kortið nær yfir nyrðri hluta Norðurgosbeltis Íslands, eða svæðið frá Öxarfirði í norðri til Fremrináma í suðri.

Þann 4. janúar nk. mun norski olíu- og orkumálaráðherrann Ola Borten Moe undirrita tvö sérleyfi fyrir rannsóknir og vinnslu kolvetnis á Drekasvæðinu fyrir hönd norska ríkisolíufélagsins Petoro.