4. september 2017

Skjálftinn í kjölfar kjarnorkusprengingar Norður-Kóreu

Jarðskjálftamælar ÍSOR á Norðurlandi greindu nokkuð skýrt merki aðfaranótt sunnudagsins 3. september um skjálfta í Norður-Kóreu.  Þegar klukkuna vantaði 20 mínútur í fjögur (03.40) greindu mælarnir skjálfta í kringum 6 að stærð, sjá mynd hér að neðan. Á svipuðum tíma var greint frá því í fréttum að Norður-Kórea hafi sprengt vetnissprengu neðanjarðar í tilraunaskyni.
Jarðskjálftamælar staðsettir á Suðvesturlandinu námu skjálftann ekki eins skýrt en gáfu þó smá merki um 15 sekúndum síðar.

Skýringar við myndinni hér að neðan:

Gögnin eru filtreruð lowpass 0.7Hz og myndin sýnir um 3 mínútur af gögnum.
Fyrsti dálkur er skammstöfun eða "gælunafn" mælistöðvar en annar dálkur sýnir netnafn þar sem:
KR = stöðvar Landsvirkjunar í Kröflu og á Þeistareykjum
NO = stöðvar Norðurorku í Eyjafirði
ON = stöðvar Orku Náttúrunnar á Hengilssvæði
RR = stöðvar HS Orku á Reykjanesskaga