Stýring jarðhitavinnslu

Víðtæk og virk stýring jarðhitageymis er grundvallarþáttur í góðri jarðhitanýtingu, einkum til að koma í veg fyrir of mikla vinnslu og vinnsluvandamál almennt. Hún byggist á nægilegri/góðri þekkingu á viðkomandi jarðhitakerfi, sem aftur byggist á víðtækum gögnum, upplýsingum og rannsóknum. Mikilvægustu gögnin um eðli og eiginleika jarðhitakerfis fást með nákvæmri skráningu á viðbrögðum þess við langtímaorkuvinnslu. Slík skráningargögn eru grunnurinn að gerð jarðhitalíkans.

ÍSOR veitir víðtæka þjónustu á eftirfarandi sviðum í rekstri jarðhitakerfa:

• Skráning vinnsluþátta
• Efnavöktun
• Skráning á breytingum á jarðhitasvæði
• Gerð líkans af jarðhitakerfi
• Skipulag og rannsóknir við niðurdælingu
• Umhverfisvöktun
• Mat á endingartíma jarðhitakerfa