Efnagreiningar

Rannsóknarstofa ÍSOREfnagreiningar á vatni, gasi og jarðefnum eru meginsvið jarðefnaþjónustu ÍSOR. Við leggjum metnað í að tryggja viðskiptavinum örugga og faglega þjónustu og vinnum eftir alþjóðlegum stöðlum. Hjá ÍSOR starfar  hópur efna-, jarðefna- og jarðfræðinga sem byggt hefur upp sérfræðiþekkingu í sýnatöku og efnagreiningum, einkum fyrir jarðhitaiðnaðinn á Íslandi.

Efnagreiningar yfirborðsjarðhitavökva geta gefið vísbendingar um líklegan hita í viðkomandi jarðhitakerfi. Efnagreiningar geta einnig gefið hugmyndir um suðuferla, streymisleiðir vökva og uppruna jarðhitavökvans.

 

Efnagreiningar ÍSOR nýtast

  • jarðhitaiðnaðinum
  • vatnsveitum
  • umhverfis- og mengunarrannsóknum
  • lyfjaiðnaðinum

 

Rannsóknarstofa ÍSOR er sérútbúin til efnagreininga

  • jarðhitavatn
  • kalt vatn (neysluvatn, grunnvatn og yfirborðsvatn (drykkjarvatn og annað ferskvatn)).
  • gas
  • gufa
  • borsvarf
  • útfellingar
  • berg
  • kristalbygging lyfjaefna

 

Efnagreiningartæki 

Rannsóknarstofa ÍSOR er búin fullkomnum tækjum til efnagreininga. Eins er ÍSOR í góðu samstarfi við aðrar rannsóknarstofur í landinu sem og erlendis hvað tækjabúnað varðar.

  • Atómísogstæki greinir málma í vatnslausn (t.d Na, K, Mg, Ca, Fe, Mn og Al).
  • Litrófsmælir er notaður til greininga á kísli, bór og fleiri efnum.
  • Jónaskilja er notuð til mælinga á anjónum í vatni (Cl, SO4, Br, F).
  • Gasskilja greinir magn gastegunda í sýnum frá jarðhitasvæðum en þær eru helstar N2, H2, NH3, Ar, CH4, CO2 og H2S.
  • Flúrljómunarmælir er notaður til greininga á flúrljómandi efnum svo sem flúoresceini og rhódamíni, einkum í tengslum við ferilefnapróf.
  • Vökvaskilja með flúrljómunarnema (HPLC-FLD) er notuð til að greina flúrljómandi naftalensambönd sem notuð eru í ferilefnaprófum.
  • XRD-tæki (X-ray diffraction). Til greininga á kristalgerð fastra efna, til dæmis útfellingum í lagnakerfum, steindum í bergi, leir í svarfi frá borholum og ýmsu öðru. 
  • Rafeindasmásjá, skoðar og greinir uppbyggingu og samsetningu útfellinga og annarra fastra efna. Tækið er á Nýsköpunarmiðstöð.
  • Sérútbúinn sýnatökubíll. Rannsóknarstofa ÍSOR á að auki sérútbúinn sýnatökubíl og ýmis smærri efnagreiningatæki.

 

Gæðakröfur

Við viljum tryggja vönduð vinnubrögð og fagmennsku í allri okkar þjónustu, hvort sem er við sýnatöku eða efnagreiningar. Sérfræðingar ÍSOR vinna eftir alþjóðlegum stöðlum og fylgja aðferðum gæðastjórnunar samkvæmt ISO-9001:2000.


 

Tengiliðir:
Finnbogi Óskarsson
Efnafræðingur

528 1543
695 0397
finnbogi.oskarsson@isor.is
Sigurður Sveinn Jónsson
Jarðfræðingur

528 1540
863 1863
ssjo@isor.is